अहमदनगर सिव्हील हॉस्पिटल आग दुर्घटनेप्रकरणी नेमण्यात आलेल्या चौकशी समितीकडून अहवाल आल्यानंतर देखील पुढील कारवाई होत नाही आहे. आज जिल्ह्याचे पालकमंत्री हसन मुश्रीफ यांना याबाबत विचारले असता राज्याचे आरोग्य मंत्री राजेश टोपे यांच्याशी बोलणार असल्याचं त्यांनी यावेळी म्हटलं. अहमदनगर जिल्ह्याच्या कोविड आयसीयू वॉर्डात भीषण आग लागून दुर्घटनेत 14 रुग्णांचा होरपळून मृत्यू झाला. या प्रकरणी आतापर्यंत 6 जणांवर कारवाई करण्यात आली आहे. मात्र, या प्रकरणास जबाबदार असणारा मुख्य आरोपी अद्याप मोकाट असून कोणतेही कारवाई झालेली नाही.
